లెనిన్ నగర్ సింగరేణి షాపింగ్ కాంప్లెక్స్ లో అగ్నిప్రమాదం

స్వేచ్ఛ న్యూస్, రామగుండం, మే 22: రామగుండం మున్సిపల్ కార్పొరేషన్ పరిధిలోని 28వ డివిజన్ లెనిన్ నగర్ లో సింగరేణి షాపింగ్ కాంప్లెక్స్ రూంలు నిరుపయోగంగా పడి ఉండటంతో అందులో చెత్తాచెదారం పేరుకుపోయి ఈరోజు సుమారు మధ్యాహ్నం 1:30 గంటల నుండి 2:00 గంటల మధ్య ప్రాంతంలో అగ్ని ప్రమాదం జరగడంతో స్థానికులు అత్యవసర విభాగమైన అగ్నిమాపక కేంద్రానికి 101 కు ఎన్నిసార్లు ఫోన్ చేసినా ఫోన్ కలవకపోవడంతో పిల్లల సహకారంతో కాలనీవాసులు అగ్ని ప్రమాదాన్ని అదుపులోకి తీసుకువచ్చే ప్రయత్నం చేస్తూ 100కు డయల్ చేయగా వారు స్పందించి అగ్నిమాపక కేంద్రానికి సమాచారం ఇవ్వడంతో అగ్నిమాపక వాహనం సంఘటన స్థలానికి చేరుకుని అగ్నిమాపక సిబ్బంది మంటలను అదుపు చేశారు. కాగా స్థానికులు అగ్నిమాపక సిబ్బందిని 101 కు ఎన్నిసార్లు చేసినా కలవడం లేదని ప్రశ్నించగా అది ల్యాండ్ లైన్ కొంతకాలంగా పనిచేస్తా లేదని ఒకవేళ రింగ్ అయినా మాటలు వినబడటం లేదని దాని కారణంగా మాకు సరైన సమయానికి సమాచారం అందక మేము సమయానికి రాలేకపోయామని అన్నారు.