స్వేచ్ఛ న్యూస్, రామగుండం, మే 31: రామగుండం నియోజకవర్గంలోని ప్రజలు సుఖ సంతోషాలతో అష్టైశ్వర్యాలతో కలకాలం ఉండాలని రామగుండం శాసనసభ్యులు కోరుకంటి చందర్ బుధవారం రామగిరి మండలం బేగంపేట నవాబుపేట పీర్ పహాడ్ దర్గా బాబాకు పూల ప్రసాదాలతో పాటు చాదార్లు సమర్పించి ప్రత్యేక పూజలు నిర్వహించారు. రామగుండం మున్సిపల్ కార్పొరేషన్ పరిధి 14వ డివిజన్లోని లక్ష్మీపురం బీరప్ప స్వామి వారి పట్నాల్లో పాల్గొని ప్రత్యేక పూజలు నిర్వహించారు. భగవంతుని నమ్ముకున్న వారికి అంతా మంచే జరుగుతుందని రామగుండం నియోజకవర్గ ప్రజల కోసం తాను నిరంతరం కృషి చేస్తున్నానని అందుకు ప్రజలకు,తనకు భగవంతుడు బీరప్ప,బాబా ఆశీర్వాదాలు ఎల్లప్పుడు ఉంటాయని తాను 27 సంవత్సరాలుగా అయ్యప్ప స్వామిమాల ధరించి ఆ భగవంతుని సన్నిధిలో గడుపుతున్నానని అన్నారు. ఆయా ప్రాంతాల్లో జరిగిన ఈ కార్యక్రమలలో నాయకులు కెక్కెర్ల రాజ్ కుమార్,ఈదునూరి శ్రీకాంత్,ఇదునూరి కిరణ్ కుమార్,నారాయణ గౌడ్, విజయమ్మ ఫౌండేషన్ సభ్యులు సిద్ధార్థ,కార్పొరేటర్ నీల పద్మ గణేష్ తదితరులు పాల్గొన్నారు.

స్వేచ్ఛ న్యూస్, రామగుండం, మే 30: రామగుండం మున్సిపల్ కార్పొరేషన్ పరిధిలోని 30వ డివిజన్లో మంగళవారం రోజున రజిత,శోభలు ఏర్పాటు చేసిన మహిళ కార్యక్రమానికి ముఖ్య అతిథులుగా కాంగ్రెస్ పార్టీ పెద్దపెల్లి జిల్లా అధ్యక్షులు రామగుండం నియోజకవర్గ ఇన్చార్జ్ మక్కాన్సింగ్ రాజ్ ఠాగూర్ వారి సతీమణి మనాలి ఠాగూర్ ముఖ్యఅతిథిగా హాజరైనారు. ఈ సందర్భంగా రాజ్ ఠాగూర్ మాట్లాడుతూ గత 30 సంవత్సరాలుగా రామగుండం నియోజకవర్గ సమస్యలపై ప్రజల కోసం నిరంతరం పోరాటం చేస్తున్న నన్ను రానున్న అసెంబ్లీ ఎన్నికల్లో భారీ మెజారిటీతో గెలిపించాలని కోరారు. ఎన్నికల సమయంలో కేసీఆర్ ఓసిపిలతో బొందల గడ్డలు అవుతాయని ఓసిపి కాకుండా కుర్చీ వేసుకుని ఓసిపి కాకుండా అడ్డుకుంటానని చెప్పి అధికారంలోకి వచ్చిన కెసిఆర్ ఓసిపిని చేసి గోదావరిఖని ప్రాంతాన్ని బొందలగడ్డగా మారుస్తున్నారని ఆరోపించారు.ఉద్యోగాలు,ఇసుక,బూడిద అన్ని అమ్ముకోవడమే తప్ప రామగుండం నియోజకవర్గ అభివృద్ధి చేయడంలో రామగుండం శాసనసభ్యులు విఫలమయ్యారని ఆరోపించారు. రానున్న రోజుల్లో కాంగ్రెస్ పార్టీ ప్రభుత్వం అధికారంలోకి వస్తే అనేక సంక్షేమ పథకాలు అమలు చేసి పేద ప్రజలను ఆదుకుంటామని తెలిపారు. ఈ కార్యక్రమంలో కాంగ్రెస్ పార్టీ నాయకులు,కార్యకర్తలు,మహిళలు అధిక సంఖ్యలో పాల్గొన్నారు.

స్వేచ్ఛ న్యూస్, రామగుండం, మే 30: అంతర్గాం మండల పరిధిలోని గోలివాడ ఐకెపి కేంద్రాన్ని మంగళవారం రోజున రామగుండం శాసనసభ్యులు కోరుకంటి చందర్ పరిశీలించి అక్కడి సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ ప్రజల ఆకలితీర్చే అన్నదాతగా పేరుగాంచిన రైతన్నలకు సీఎం కేసీఆర్ సంక్షేమ ప్రణాళికను రూపొందించి అకడ్బందీగా అమలు చేస్తూ అండగా నిలుస్తారన్నారు. కాలేశ్వరం ప్రాజెక్టుతో రాష్ట్రంలో ప్రతి ఎకరాకు సాగునీరు అందుతుందని రైతులు పండించిన ప్రతి వరిగింజను ప్రభుత్వమే కొనుగోలు చేసి రైతే రాజుగా పాలనసాగిస్తూ కెసిఆర్ ప్రభుత్వం రైతులకు అండగా నిలుస్తుందన్నారు. వడ్ల కొనుగోలు విషయంలో రైస్ మిల్లర్లు ఎటువంటి కోత లేకుండా ధాన్యం కొనుగోలు చేయాలని సూచించారు. ఋతుపవనాలు రానుండడంతో అధికారులు ధాన్యం తరలింపులో ఎటువంటి అలసత్వం వహించకూడదని ఆయన ఆదేశించారు. ఈ కార్యక్రమంలో సర్పంచులు ధరణి రాజేష్,బాధరవేణి స్వామి, బండారి ప్రవీణ్ కో ఆప్షన్ మెంబర్ గౌస్ పాషా మండల టిఆర్ఎస్ పార్టీ అధ్యక్షుడు తిరుపతి నాయక్ నాయకులు కోల సతీష్ గౌడ్,నూకరాజు తదితరులు పాల్గొన్నారు.

స్వేచ్ఛ న్యూస్, రామగుండం, మే 27: తెలంగాణ రాష్ట్రంలోని పేద ప్రజలకు సీఎం సహాయ నిధి కొండంత,భరోసాగా నిలుస్తుందని రామగుండం శాసనసభ్యులు కోరుకుంటి చందర్ అన్నారు. నరాల వ్యాధితో బాధపడుతున్న అంతర్గాం మండలం పెద్దంపేట గ్రామానికి చెందిన మహమ్మద్ ఇస్మాయిల్ కు 8 లక్షలు,రామగుండం మున్సిపల్ కార్పొరేషన్ లోని 48వ డివిజన్కు చెందిన గన్ను మాధవికి 2లక్షల 50 వేలు,31వ డివిజన్కు చెందిన పారిపల్లి లావణ్య 2లక్షల 50 వేలు,50వ డివిజన్కు చెందిన దేవేందర్ కు ఒక లక్ష రూపాయలు మొత్తంగా 14 లక్షల Loc చెక్కులను రామగుండం శాసనసభ్యులు కోరుకంటి చందర్ స్వయంగా హైదరాబాద్ నిమ్స్ హాస్పిటల్ కి వెళ్లి అందించి వారి ఆరోగ్య పరిస్థితి అడిగి తెలుసుకున్నారన్నారు.ఈ సందర్భంగా ఆయన మాట్లాడుతూ అనారోగ్య బారిన పడిన పేద ప్రజలకోసం ప్రభుత్వ సీఎం కేసీఆర్ సహాయనిది ఆర్థిక భరోసా కల్పిస్తుందని పేదవారికి ముందస్తు శాస్త్రచిత్స నిమిత్తం ఎల్ ఓ సి ద్వారా ఆర్థిక సహాయం చేస్తుందని అన్నారు. రామగుండం నియోజకవర్గం శాసనసభ్యునిగా నేను గెలిచిన నాటి నుండి దాదాపుగా 11 కోట్ల వరకు పేద ప్రజల వైద్యం కొరకు ఎల్ఓసి ద్వారా డబ్బులు మంజూరు చేసి అందించానన్నారు. రామగుండం నియోజకవర్గంలో పేదవారికి ఏ కష్టం వచ్చినా వారికి అండగా ఉంటున్నామని అన్నారు.

స్వేచ్ఛ న్యూస్, రామగుండం, మే 26: మాదిగ రిజర్వేషన్ పోరాట సమితి ముఖ్య నాయకుల సమావేశం శుక్రవారం గోదావరిఖని ప్రధాన చౌరస్తా లో గల ఎమ్మార్పీఎస్ ఆఫీసు నందు జరిగింది. ఈ సమావేశమునకు ముఖ్య అతిథులుగా పెద్దపల్లి జిల్లా ఎం ఎస్ పి కోఆర్డినేటర్ మంథెన సాముయేల్ హాజరై ఎస్సీ వర్గీకరణ చట్టబద్ధత సాధన కోసం జరుగుతున్న ఉద్యమాన్ని గ్రామస్థాయిలో బలోపేతం చేయుటకు ఎమ్మార్పీఎస్ సంస్థాగత నిర్మాణంలో భాగంగా పెద్దపెల్లి జిల్లాలోని వివిధ నియోజకవర్గలకు నూతన ఇన్చార్జిలను నియమించడం జరిగిందన్నారు. ఈ మేరకు పెద్దపెల్లి జిల్లా స్థాయిలో జరిగే ఎమ్మార్పీఎస్ ఉద్యమంలో భాగస్వాములను చేసి చట్టబద్ధత సాధించేవరకు పోరాటాలు నిర్వహించాలని సూచించారు. కొత్తగా ఎన్నికైన నియోజకవర్గ ఇన్చార్జీలుగా పెద్దపెల్లి అంబాల నరేష్ మాదిగ,రామగుండం నియోజకవర్గంలో గుండ్ల రాకేష్ మాదిగ,మంథని నియోజకవర్గం సింగారపు సుధాకర్ మాదిగలను నియమించడం జరిగిందన్నారు. ఈ కార్యక్రమంలో ఎమ్మార్పీఎస్ రాష్ట్ర అధ్యక్షులు గుండ్ల మల్లికార్జున్,చొప్పరి మొగిలి, ఎం ఎస్ పి వడ్డేపల్లి దశరథం, పల్లె బాపు మాదిగ,ఎంఎస్పి కార్పొరేషన్ ఇంచార్జ్ అబ్దుల్ గని,ఎంఎస్పి కార్పొరేషన్ అధ్యక్షులు కాజీపేట రాజయ్య,గద్దల అనిల్ కుమార్, వేల్పురి రాంబాబు, అట్లూరి లింగస్వామి, ఖాన్ పెళ్లి శ్రీనివాసులు పాల్గొన్నారు. ఈ మా నియమాకాలకు సహకరించిన ఎమ్మార్పీఎస్ జిల్లా నాయకులకు,మండల నాయకులకు,కార్పొరేషన్ ఇన్చార్జిలకు కృతజ్ఞతలు తెలిపారు.