స్వేచ్ఛ న్యూస్, కెనడా ప్రతినిధి, జూన్ 17: తెలుగువాహిని, ఒంటారియో తెలుగు ఫౌండేషన్,  తెలుగుతల్లి కెనడా ఆధ్వర్యంలో టొరంటోలో ఉన్న దుర్గా దేవి గుడిలో అష్టావధానం అత్యద్భుతంగా సాగింది. శరవేగంతో జరిగిన పూరణ లేఖకుల కలాలకి అందలేదు. చమత్కారమైన సంభాషణతో మొదలైన సభ, అప్రస్తుత ప్రసంగంతో ఇంకా చురుకై, ఆద్యంతమూ సభ్యులను నవ్వుల జల్లులులో ముంచెత్తింది.
చాలా సంవత్సరాల తరువాత అవధాన ప్రక్రియని వ్యక్తిగతంగా చూడడం ఎంతో ఆనందంగా ఉందని సీనియర్ సిటిజన్లు హర్షం వెలిబుచ్చగా, తెలుగులో ఇలాంటి ప్రక్రియ ఒకటి ఉందని తెలుసుకోవడం తమ అదృష్టమని యువత ఆనందం వ్యక్తం చేసారు. ఆ విధంగా అన్ని వయసుల వారిని ఉర్రూతలూగిస్తూ పద్మాకర్ గారు చేసిన అష్టావధానంతో తెలుగు సాహితీ కాంతులు కెనడాలో వెల్లివిరిసాయి.

గత రెండునెలలుగా బ్రహ్మశ్రీ వద్ధిపర్తి పద్మాకర్ గారు అమెరికా, కెనడా దేశాలలో చేస్తున్న ఆధ్యాత్మిక, సాహితీ పర్యటనలో భాగంగా అమెరికాలో వివిధ రాష్ట్రాలలో ప్రవచానాలు, ఒక అష్టావధానము, ఒక శతావధానము కూడా నిర్వహించి ఇప్పుడు కెనడాలో మరొక అష్టావధానం చేశారు. సమస్య, ఆశువు, వర్ణన, అప్రస్తుతప్రసంగం ఇలా అన్ని అంశాలతో సభను మరింత రక్తికట్టించిన పృచ్ఛకులను, తెలుగువాహిని, ఒంటారియో తెలుగు ఫౌండేషన్ మరియు తెలుగుతల్లి కెనడా సంస్థలను శ్రీ పద్మాకర్ గారు ప్రశంసించారు. అత్యంత వైభవంగా నిర్వహించబడిన ఈ సాహితీసదస్సు తెలుగు భాషాప్రియులకు కన్నులపండుగ అని పలువురు వారి అభిప్రాయం వ్యక్తం చేశారు.

తెలుగుతల్లి కెనడా వ్యవస్థాపకురాలు శ్రీమతి లక్ష్మి రాయవరపు గారు మాట్లాడుతూ ” ఏ దేశమేగినా ఎందు కాలిడినా చక్కటి తెలుగు మా ప్రాణ ప్రదం, తల్లి భూమి భారతిని గౌరవించడమే జాతికి నిండుతనం అన్న భావంతో తెలుగు తల్లి కెనడా నెలకొల్పబడింది. తెలుగుతల్లి పత్రిక కెనడాలో ఉన్న తెలుగు ప్రతిభనంతా ఒక చోటికి చేర్చే వేదిక” అని చెప్పారు.

తెలుగువాహిని అధ్యక్షులు శ్రీ త్రివిక్రం సింగరాజు గారు మాట్లాడుతూ ” శ్రీకృష్ణ దేవరాయల ఆముక్త మాల్యద చదవడం నించి, సభ్యులలో భావుకత పెంచే నేటి తరం వచన కవితలు వ్రాయించే దాకా పూచీ తెలుగువాహినిది” అని తెలియజేసారు.

ఓంటారియో తెలుగు ఫౌండేషన్ వ్యవస్థాపక సభ్యులు శ్రీ మురళి పగిడేల గారు మాట్లాడుతూ ఓంటారియోలో ఉంటున్న తెలుగువారికి కావలసిన సహాయం చేసి, సంస్కృతిని సంప్రదాయాన్ని కాపాడడమే ఓటీ ఎఫ్ ముఖ్య ఉద్దేశ్యమని తెలిపారు.

స్వేచ్ఛ న్యూస్, నార్కెట్పల్లి, జూన్ 20: నార్కట్పల్లి పట్టణంలో మసీదు ఎదురుగా ఉన్న (కూరగాయల అంగడి) స్థలానికి సంబంధించిన వివాదానికి సంబంధించి మంగళవారం నార్కెట్పల్లి పోలీస్ స్టేషన్ ఆవరణలో సీఐ శివరాం రెడ్డి, స్థానిక ఎస్సై సైదాబాబు ల ఆధ్వర్యంలో ఇరువర్గాలను కూర్చోబెట్టి సమస్యకు సంబంధించిన పూర్తి వివరాలను పరిశీలించారు. ఈ సందర్భంగా సిఐ మాట్లాడుతూ స్థల వివాదాలకు సంబంధించి ఎవరైనా చట్ట ప్రకారం అందుబాటులో ఉన్న డాక్యుమెంట్ల ఆధారంగా ముందుకు వెళ్లాల్సి ఉంటుందని ఇరువర్గాలకు సూచించారు. ఈ వివాదంలో కోర్టు తీర్పులు సైతం ఉన్నాయని వాటిని కూడా క్షుణ్ణంగా పరిశీలించి తుది నిర్ణయం తీసుకోవాల్సి ఉంటుందని పేర్కొన్నారు. ప్రభుత్వం విడుదల చేసిన గెజిట్ నోట్ కూడా ఉన్నందున సంబంధిత ఆధారాలను పరిశీలించనున్నట్టు పేర్కొన్నారు. గత కొన్ని సంవత్సరాలుగా ఈ వివాదం కొనసాగుతున్నందున దీనికి కలెక్టర్ స్థాయిలో పరిష్కారం చేయాల్సిన అవసరం ఉన్నదని ఇరువర్గాలు సమర్పించిన డాక్యుమెంట్లను పరిశీలించి పై అధికారులకు నివేదించనున్నట్లు తెలిపారు. రెండు వర్గాల వారికి సంబంధించిన పెద్ద మనుషులు, స్థానిక అధికారుల సమక్షంలో ఇరువురికి నచ్చజెప్పి పంపించారు. ఈ విషయంపై ఎవరు కూడా ఎలాంటి ఆరోపణలు కానీ చట్ట వ్యతిరేక కార్యకలాపాలకు కానీ పాల్పడినట్లయితే చట్టరీత్యా కఠిన చర్యలు తీసుకోనున్నట్లు తెలిపారు.

స్వేచ్ఛ న్యూస్, రామగుండం, జూన్6: కాంపల్లి గంగయ్య అనే వ్యక్తి ఇచ్చిన సమాచారం మేరకు 27.4.2023 నాడు బెల్లంపల్లి కెమికల్ ఫ్యాక్టరీ దగ్గరలో ఒక గుర్తు తెలియని వ్యక్తి స్పృహ లేని పరిస్థితిలో కింద పడి ఉండటంతో 108 కి ఫోన్ చేసి ప్రభుత్వ ఆసుపత్రిలో చేర్పించాడు. ఈనెల 3.6.2023 రోజున అతని ఆరోగ్య పరిస్థితి తెలుసుకోవడానికి ప్రభుత్వాసుపత్రికి వెళ్లగా అతని ఆరోగ్య పరిస్థితి బాగానే ఉంది మాట్లాడలేని పరిస్థితిలో ఉన్నాడని అనుకున్నాడు. కానీ మంగళవారం ఉదయం అనగా 6.6.2023 నాడు అతని ఆరోగ్య పరిస్థితి విషమంగా ఉండటంతో మృతి చెందాడని ప్రభుత్వ ఆసుపత్రి డాక్టర్లు తెలపడంతో ఈ విషయాన్ని గంగయ్య బెల్లంపల్లి 2 టౌన్ స్టేషన్ కు సమాచారం అందించాడు. మృతుని వయసు సుమారు 50 నుండి 55 మధ్యవయసు కలిగి ఉండవచ్చని బట్టతల కలిగి ఉన్నాడు నల్ల పాయింటు ధరించి ఉన్నాడు. ఈ వ్యక్తిని ఎవరైనా గుర్తిస్తే బెల్లంపల్లి టూ టౌన్ పోలీస్ స్టేషన్ కుసమాచారం అందించగలరని ఎస్ ఐ రవికుమార్ తెలిపారు.