స్వేచ్ఛ న్యూస్, నార్కెట్పల్లి, నవంబర్ 23: ఈనెల 30న జరగనున్న తెలంగాణ శాసనసభ ఎన్నికల సందర్భంగా నార్కట్పల్లి మండలంలోని బ్రాహ్మణ వెల్లంల, కొత్తగూడెం పోలింగ్ స్టేషన్లను సమస్యాత్మకమైనవిగా ఎన్నికల సంఘం గుర్తించింది. ఈ సందర్భంగా గురువారం జనరల్ ఎలక్షన్ పోలీస్ అబ్జర్వర్ యూపీ క్యాడర్ కు చెందిన ఐపీఎస్ ఆఫీసర్ విజయ్ సింగ్ మీనన్ ఆయా పోలింగ్ స్టేషన్లను స్థానిక సీఐ మహేష్, ఎస్సై సైదాబాబు లతో కలిసి పరిశీలించారు. అనంతరం గ్రామాలను సందర్శించి గ్రామ ప్రజల ప్రస్తుత పరిస్థితి గురించి స్థానిక ప్రజలను అడిగి తెలుసుకున్నారు. గ్రామంలోని నేర ప్రవృత్తి కలిగిన వ్యక్తుల కదలికలపై నిరంతరం నిఘా ఉంచాలని సిబ్బందికి సూచించారు. అవసరమైతే బైండోవర్ చేయాలన్నారు. గత ఎన్నికలలో జరిగిన వివాదాల గురించి విచారించారు. ఈనెల 30న జరగబోవు ఎన్నికలలో ఎలాంటి అవాంఛనీయ సంఘటనలు చోటు చేసుకోకుండా పటిష్టమైన భద్రత ఏర్పాట్లు చేయాలని అందుకు తగిన ప్రణాళిక రూపొందించాలని సిబ్బందికి సూచించారు. ప్రజలు స్వేచ్ఛగా తమ ఓటు హక్కును వినియోగించుకునే విధంగా ఎన్నికల సంఘం అన్ని చర్యలు చేపట్టిందని ఎవరు ఎలాంటి ఆందోళన చెందకుండా ప్రతి ఒక్కరు తమ ఓటు హక్కును వినియోగించుకోవాలని కోరారు.

స్వేచ్ఛ న్యూస్, రామగుండం, నవంబర్ 13: ఎన్నికల ప్రచారంలో భాగంగా రామగుండం పట్టణ కాంగ్రెస్ ఆధ్వర్యంలో 20,21,22 డివిజన్లలో నిర్వహించిన పాదయాత్ర కార్యక్రమంలో రామగుండం నియోజకవర్గ కాంగ్రెస్ పార్టీ ఎమ్మెల్యే అభ్యర్థి మక్కాన్సింగ్ రాజ్ ఠాకూర్ పాల్గొని ఇంటింటా ప్రజలను కలిసి చేతి గుర్తుకు ఓటు వేసి తనను గెలిపించాలని కోరారు.ఈ సందర్భంగా ఠాగూర్ మాట్లాడుతూ బి పవర్ ప్లాంట్ మూసివేసి ఈ ప్రాంతాన్ని చీకటిమయం చేయాలని బిఆర్ఎస్ చూస్తుందని ఆరోపించారు.ఈ ప్రాంతం బాగుపడాలి అంటే దోపిడీ జరగవద్దు ప్రశ్నించేవారు ఉండాలని అన్నారు.స్థానిక శాసనసభ్యుని చాతకానితనంతో ఈ ప్రాంతం అభివృద్ధి కాలేదని ఆరోపించారు.కుందనపల్లి బూడిదను అమ్ముకుంటున్నాడని అన్నారు.కుందనపల్లి గ్రామ ప్రజలకు అండగా ఉండి వారి సమస్యలు పరిష్కరిస్తానని అన్నారు.గోదావరి నదిలో నిండా నీళ్లు ఉన్న దూకి చావడానికి తప్ప తాగడానికి పనికి రావడం లేదని ఆరోపించారు.కాంగ్రెస్ ప్రభుత్వం రాగానే ఆటో డ్రైవర్లను కార్మికులుగా గుర్తించి వారికి ఇండ్లు ఇస్తామని,ఇంటి స్థలాలు ఉంటే ఐదు లక్షల రూపాయలు ఇల్లు నిర్మాణానికి ఇస్తామని ఆటో డ్రైవర్లకు సంవత్సరానికి ₹10,000 ఆర్థిక సాయం అందిస్తామన్నారు. బిఆర్ఎస్ పార్టీ అడ్డగోలుగా ఉద్యోగాల దోపిడీ,ఇసుక దోపిడీ,బూడిద దొంగతనం చేసి అక్రమంగా సంపాదించిన డబ్బుతో పదివేల రూపాయలు ఇచ్చి ఓట్లు కొని మిమ్మల్ని మోసం చేయాలని చూస్తుందని ఆరోపించారు.ప్రజాహితం కోరే కాంగ్రెస్ పార్టీ చేతి గుర్తుకే ఓటు వేసి నన్ను గెలిపించాలని కోరారు. బిఆర్ఎస్ పార్టీ డబుల్ బెడ్ రూమ్ ఇండ్లు,దళిత బంధు,బీసీ బందు,మైనార్టీ బందు,ఇంటికో ఉద్యోగం,మైనార్టీలకు 12 శాతం రిజర్వేషన్ కల్పిస్తామని చెప్పి మోసం చేసిందని ఆరోపించారు.కాంగ్రెస్ పార్టీ అధికారంలోకి రాగానే ప్రతి కుటుంబానికి 500 కే గ్యాస్ సిలిండర్,200 యూనిట్ల వరకు ఉచిత విద్యుత్,10 లక్షల వరకు ఆరోగ్యశ్రీ,ఇంటి స్థలం ఉంటే ఇల్లు నిర్మించుకోవడానికి 5 లక్షల రూపాయలు ఇస్తామని అన్నారు.మహిళలకు ఆర్.టి బస్సులో ఉచిత ప్రయాణం కల్పిస్తామన్నారు.ఈ ప్రాంతంలో పుట్టిన బిడ్డగా మన ప్రాంతాన్ని అభివృద్ధి చేయడానికి పోరాటం చేస్తున్నానని కాబట్టి చేతి గుర్తుకు ఓటు వేసి నన్ను గెలిపించాలని కోరారు.ఈ కార్యక్రమంలో ఈ కార్యక్రమంలో కాంగ్రెస్ పార్టీ సీనియర్ నాయకులు,కార్పొరేటర్లు,వివిధ డివిజన్ల నాయకులు,ప్రజలు అధిక సంఖ్యలో పాల్గొన్నారు.

స్వేచ్ఛ న్యూస్, రామగుండం, నవంబర్ 12:ఆదివారం ఉదయం తెలంగాణ లేబర్ పార్టీ అభ్యర్థి గొర్రె రమేష్ తనను గెలిపించాలని గోదావరిఖనిలోని ఫైవ్ ఇంక్లైన్ ఏరియా లోని కృష్ణ నగర్లో కల్వరి గోస్పాల్ చర్చ్,గ్రేస్ గోస్పాల్ చర్చ్ బాపూజీ నగర్ లోని క్రీస్తు ఆలయ చర్చ్ ఎన్టీఆర్ నగర్ లోని ఆజాతే ఫుల్ గ్రేస్ ఫుల్ చర్చిలలో ప్రార్థనలు నిర్వహించడం జరిగింది.ఈ సందర్భంగా ఆయన రానున్న 30వ తారీకు అసెంబ్లీ ఎన్నికలలో రామగుండం నియోజకవర్గ ఎమ్మెల్యేగా తనను అధిక మెజారిటీతో గెలిపించాలని ఆయా పాస్టర్లను కోరారు. ఈ సందర్భంగా గొర్రె రమేష్ రామగుండం నియోజకవర్గ ఎమ్మెల్యేగా గెలిచి రమేష్ పాలనలో ప్రజలంతా సుఖశాంతులతో అష్టైశ్వర్యాలతో ఉండాలంటే అసెంబ్లీలో అడుగుపెట్టి ఈ ప్రాంత సమస్యల పరిష్కారానికై కృషి చేసే అవకాశం లభించాలని పాస్టర్లు దైవజనులు అంతా కూడా ఆయా చర్చిలలో ఏసుప్రభును ప్రార్థించి వేడుకున్నారు.ఈ కార్యక్రమంలో గొర్రె రమేష్ శ్రీమతి గొర్రె లక్ష్మి,సెలిగంటి ఓదెలు,జక్కం కవిత,పెండ్లి కుమారి,గుండ్ల పోచం,జి అఖిల్ వర్మ,పాస్టర్లు,దైవజనులు అధిక సంఖ్యలో పాల్గొన్నారు.

స్వేచ్ఛ న్యూస్, రామగుండం, నవంబర్ 9:రామగుండం ఎమ్మెల్యే కోరుకుంటే చందర్ నామినేషన్ పర్వం సందర్భంగా తన ఇంట్లో తల్లి లక్ష్మీ గారి ఆశీర్వాదం తీసుకొని బి ఆర్ ఎస్ పార్టీ శ్రేణులు, అభిమానులు,ప్రజలతో నామినేషన్ మహోత్సవానికి ర్యాలీగా బయలుదేరారు.గోదావరిఖని లాల్ బహుదూర్ స్టేడియంలో నిర్వహించిన నామినేషన్ మహోత్సవ ఆశీర్వాద సభలో పాల్గొని మాట్లాడుతూ నా జీవితం ప్రజలకే అంకితం ఇస్తున్నా నా చివరి శ్వాస ఉన్నంతవరకు రామగుండం ప్రజలకే సేవ చేస్తానని అన్నారు.2018 లో స్వతంత్ర అభ్యర్థిగా ఎన్నికలలో నిలుచున్న తనకు సహాయ సహకారాలు అందించి సంపూర్ణ మద్దతు తెలిపి 26వేల మెజారిటీతో గెలిపించి ఈ ప్రాంత ప్రజలు కష్ట కాలంలో నన్ను కడుపులో పెట్టుకొని సంజీవిని ఇచ్చి కాపాడారన వారి రుణం తీర్చుకోవడానికి రామగుండం నియోజకవర్గంలో మెడికల్ కళాశాలతో పాటు ఎన్నో అభివృద్ధి,సంక్షేమ కార్యక్రమాలు చేపట్టానని అన్నారు.2014లో రాష్ట్రం సిద్ధించాక ముఖ్యమంత్రి కేసీఆర్ అత్యంత శరవేగంగా అభివృద్ధి పనులు చేపడుతున్న క్రమంలో ఆరోగ్య తెలంగాణే లక్ష్యంగా మెడికల్ కళాశాలలు మంజూరు చేస్తున్న తరుణంలో ఇక్కడి పరిస్థితులను వివరించి కేసీఆర్ ను ఒప్పించి మెప్పించి జిల్లా కేంద్రం కాకపోయినా రామగుండంకు మెడికల్ కళాశాలను తీసుకొచ్చాను అన్నారు. రామగుండం నియోజకవర్గం లోని కార్మిక,కర్షక సకల వర్గాల ప్రజల సంక్షేమం కోసం ప్రజాహితం కోసం ప్రతిక్షణం పనిచేశానన్నారు. కొడుకుల బిడ్డల భావించి నవంబర్ 30న జరిగే ఎన్నికలలో నాకు ఓటు వేసి అధిక మెజారిటీతో గెలిపించి ఆశీర్వదించాలని కోరారు.ఈ కార్యక్రమంలో రాష్ట్ర పోలీస్ హౌసింగ్ చైర్మన్ కోలేటి దామోదర్,ఎన్నికల ఇంచార్జ్ నారదాసు లక్ష్మణరావు,నగర మేయర్ డాక్టర్ బింగి అనిల్ కుమార్,డిప్యూటీ మేయర్ నడిపెల్లి అభిషేక్ రావు,రాష్ట్ర నాయకురాలు మూల విజయ రెడ్డి,కౌశిక హరి,మండల ఎంపీపీ దుర్గం విజయ,కార్పొరేటర్లు నాయకులు అభిమానులు కార్యకర్తలు ప్రజలు అధిక సంఖ్యలో పాల్గొన్నారు.

స్వేచ్ఛ న్యూస్, రామగుండం, నవంబర్ 7:రామగుండం మున్సిపల్ కార్పొరేషన్ లోన్ 31 డివిజన్(గోదావరిఖని శివాజీ నగర్) లోని చాకలి లింగయ్య అనే వృద్ధుడు ఇస్త్రీ చేస్తూ జీవనాన్ని పొందుతున్నాడు. కొందరు గుర్తుతెలియని వ్యక్తులు అజ్ఞానంతో వృద్ధుల జీవనాధారామైన ఇస్త్రీ బల్లను కాల్చి వేయడంతో న్యాయ సంరక్షకుడైన(లాయర్)నామ్తాబాద్ కిరణ్ జీ ని కలిసి మొర పెట్టుకోడంతో హృదయం చెల్లించిన కిరన్ జీ తన సొంత ఖర్చులతో కొత్త ఇస్త్రీ బళ్లను కొని రజక సంఘం రజక సంఘం వ్యవస్థాపకుడు అధ్యక్షుడు పాలడుగుల కనకరాజు,మషాబత్తుల పవన్,బైరం దిలీప్, పెద్దవేని శ్రావణ్, సమ్మెత పద్మ కొందరు రజకుల సమక్షంలో కొనివ్వడం జరిగింది.