కూరగాయల అంగడి స్థలంలో అక్రమ నిర్మాణాలను తొలగించాలి

నార్కెట్పల్లి: నార్కెట్పల్లి పట్టణంలోని కూరగాయల అంగడి స్థలంలో అక్రమంగా నిర్మించిన నిర్మాణాలను తొలగించి పూర్తి స్థాయిలో ఆ భూమిని ప్రజా అవసరాలకు వాడాలని కోరుతూ నార్కెట్పల్లి పరిరక్షణ సమితి ఆధ్వర్యంలో గురువారం నార్కెట్పల్లి గ్రామపంచాయతీ కార్యదర్శి కి వినతి పత్రం అందజేశారు.

ఈ సందర్భంగా పరిరక్షణ సమితి సభ్యులు మాట్లాడుతూ నార్కెట్పల్లి మండల కేంద్రంలో ప్రజలందరూ వినియోగించుకునేందుకు ఉన్న ఒకే ఒక్క స్థలం కూరగాయల అంగడి స్థలమని దాన్ని కూడా ఆక్రమించి ప్రజలను ఇబ్బందులకు గురి చేయడం సరికాదన్నారు. ఆ భూమిని ప్రజా అవసరాలకు వినియోగించే విధంగా గ్రామపంచాయతీ అధికారులు చర్యలు తీసుకోవాలని పేర్కొన్నారు. 2023 జూన్ నెలలో గ్రామపంచాయతీ పాలకవర్గం అక్రమ నిర్మాణాలను తొలగించాలని తీర్మానం చేసినప్పటికీ ఆరు నెలల నుంచి ఎలాంటి చర్యలు చేపట్టకపోవడం బాధాకరమన్నారు. ప్రజల ఆస్తులను కాపాడడంలో పంచాయతీ అధికారులు విఫలమవుతున్నారని ఇప్పటికైనా స్పందించకుంటే భవిష్యత్తులో ప్రజలు తిరగబడతారని హెచ్చరించారు.

Share this…
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *