నార్కెట్పల్లి లో సమ్మక్క సారక్క జాతర ప్రారంభం

స్వేచ్ఛ న్యూస్, నార్కెట్పల్లి జనవరి 30 : నార్కెట్పల్లి మండల కేంద్రంలో స్ఫూర్తి కాలేజ్ పక్కన గురిజ అశోక్ స్వామి ఆధ్వర్యంలో సమ్మక్క సారక్క జాతరను మంగళవారం ప్రారంభించారు. మూడు రోజులపాటు జరిగే ఈ జాతరలో మంగళవారం ఉదయం హోమం తో ప్రారంభమై 11 గంటలకు పుట్ట బంగారం, రాత్రి 9 గంటలకు గంగతెప్ప కార్యక్రమాలు నిర్వహించారు. అదేవిధంగా బుధవారం ఉదయం 6 గంటలకు రేణుక ఎల్లమ్మ కళ్యాణం, మధ్యాహ్నం 12 గంటలకు సమ్మక్క సారక్క గంగాస్నానం, సాయంత్రం 6 గంటలకు ఎదురులంక నుండి గద్దెల వరకు అమ్మవార్లను తీసుకురావడం, 9:30 గంటలకు ఎత్తుబంగారం కార్యక్రమం, 10:30 కు సమ్మక్క సారక్కలకు నలుగు కార్యక్రమం నిర్వహించనున్నట్లు తెలిపారు. గురువారం ఉదయం 10 గంటలకు వడిబియ్యం కార్యక్రమం తో జాతర ముగుస్తుందని అనంతరం మధ్యాహ్నం భక్తులకు అన్నదాన కార్యక్రమం నిర్వహిస్తున్నట్టు నిర్వాహకుడు అశోక్ స్వామి తెలిపారు.

Share this…
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *